ಕೆನ್ನೆ ಭಾಷೆ

ನೀನು ನಕ್ಕಾಗ

ಕೆನ್ನೆ ಗುಳಿಗಳಿಗೆ
ಒಂದು ಮಾತು ಹೇಳಬೇಕನಿಸುತ್ತೆ:
ಇಂಥ ಚೆಂದದ ಭಾಷೆಯನ್ನು
ತಾರ್ಕಿಕವಾಗಿ ಮಂಡಿಸುವ
ನನ್ನ ಮೂರ್ಖತನಕ್ಕೆ
ನಾಚಿಕೆಯಾಗುತ್ತೆ !

Advertisements

ರೈತ ಮತ್ತವನ ಪದ್ಯ

ರೈತ ಪದ್ಯ ಬರೆಯಲಾರ
ನಿಜವಾದ ಕವಿ ಅವನು!
ಹುಲ್ಲ ಬಣವೆಗಳಲ್ಲಿ ನಿಂತು ಕಾತರಿಸುವ
ಮುಂದಿನ ಬೆಳೆ ಹೇಗೆ?
ಗದ್ದೆಯ ಮಡುವಲ್ಲಿ ಹೊಸ ತೆನೆ ನಕ್ಕಾಗ
ಹೊಸಪದ್ಯದಮಲಿನಲ್ಲಿ ಮೈಮರೆಯುವಂತಿಲ್ಲ
ಕೆಸರು ಗದ್ದೆಗಳಲ್ಲಿ ಪದ್ಯ ಲಾಲಿ ಹಾಡುವುದಿಲ್ಲ…